pfiiler in dr klus vo balsthal

Ja erzähls mir!!

Moderatoren: stefano, moderator

Antworten
flip
JuraHero
Beiträge: 138
Registriert: Di 16.Nov.2004 17:31
Wohnort: arlesheim
Kontaktdaten:

pfiiler in dr klus vo balsthal

Beitrag von flip » Di 21.Mär.2006 08:11

so sin also geschtert am pfiiler gseh. leider isches nit ganz eso warm gseh wie d mehli dass am sunntig ka het.
also die schwere stelle hämmer A0 klätteret an sunschte s meischte frei. di iistigslängi isch e hübsches plättli wo grad emolle dr tarif aagit. denne kunnt die zweiti länge wo jo am schluss no e kurzes fixseili drine hangt, damit me über da brüchigi teil guet drüber kunnt. anschliessend denne die nach rächts verlaufendi traverse im A0 stiel überwunde. denne die vierti seillängi, nacheme tritt ussbruch undeme beinahe absturz gfüllt mit adrenalin an standplatz. die 10 meter hann ich s schwirigschte gfunde well praktisch alles loose isch. denne durch die linki verschnidig uffe in herlicher klätterei an negschte stand. denne widerum in A0 nach rächts an de standplatz uffem letschte grosse band. denne grad dr iistig au in A0 und anschliessend in freier klätterei an stand bim bäumli leider hämmer kei bier ka. ich bi kum aane ko well ich esone riese seil zug ka hann. vo dörte denn in unschwerer klätterei bis an die letschte grosse ring oobe druffe.
abstieg z fuess usse umme durch die rinne. dank zweine fixseil ka me grad abseile, super.

durchwägs e ärnschti route mit sehr schönen aber au sehr brüchige passage. meischtens guet abgsicheret. es isch uff allifäll e abentür gseh und genau s richtige so nach 4 monet klätterhalle :rocking: . mir sin in alle belange gforderet gseh.

Benutzeravatar
domi
JuraKing
Beiträge: 409
Registriert: Mi 27.Nov.2002 13:43
Wohnort: Unterkulm
Kontaktdaten:

Beitrag von domi » Di 21.Mär.2006 15:45

saubi, saubi

wer schiint, dass er die brüchig variante verwütscht händ. nach de chorze brüchige 5er längi (2 haken) gehts luftig nach rechts, denn d'verschniidig üfe (6b), so chonnt me grad zum letschte stand ufem band, ohni grosse seilzug. esch e beitz schwärer als die lingg variante, aber zemlech kompakt ond weniger gras. mues das ding glaub au wieder emol gnüsse, aber ned amene wochenänd -->zvell lüüt, zvell stei.

gruess domi

flip
JuraHero
Beiträge: 138
Registriert: Di 16.Nov.2004 17:31
Wohnort: arlesheim
Kontaktdaten:

Beitrag von flip » Mi 22.Mär.2006 09:19

also eigentligg isch es vorallem die kurzi (10 m) lengi gseh wo so schlächt isch. vo däm negschte stand uff dämm block obe sin mir denne grad uffe durch die verschnidig (1 gschlagene) und witer an negschte stand. das isch e super lengi gseh und denne gohts vo dörte in steiler klätterei nach rächts uff das negschte band uffe (3 Bolts 2 gschlageni). und denne in dr letschte lengi hämmer dä seilzug ka.

aber ebbe es isch e abentür gseh.

flip

Antworten